دنيا..غريبة

الشمس طالعة والقمر
طول عمرهم زاهيين
من يو م ما آدم نزل
ويا حوا وقبلهم بسنين
قولولى أيه يا بشر
ياللى انتو بنى آدمين
قولولى أيه كان حصل
للدنيا مش فاهمين
وليه نلاقى المرض
والقتل والحيرة
ويا قلوب ضلمت
بالهم والغيرة
وناس وناس شعللو
وعادوا بعض وقتلوا
وتيجى تسأل يقولك
الدنيا متغيرة والفعل
م الشياطين
الدنيا متغيرة
ولا الجشع والطمع والحقد
بقوا زايدين
الدنيا متغيرة
دى قلوبنا متحجرة
مافيها رحمة
ودين
الدنيا إيه ذنبها
ف ناس سابت قلبها للفُجْر
والشياطين
الدنيا إيه ذنبها
ف ناس ملت بطنها بالغش
والملاييين
ياقلوب ضعيفة وحزينة
ياللى انتوا لنا فاهمين
ادعوا بقلوب مؤمنة
والشر مش فيها
يارب بقى ردنا
للعدل والحكمة
تلقى القلوب
نورت وبقينا بنى آدمين