قمة الحيره : ان حد يدخلك أوضه مدوره ويقولك قف في الركن
قمة الأدب: انك تخبط على باب التلاجه اللي في بيتك قبل ما تفتحها
قمة الدهشة: ان حد يرد عليك من جوه التلاجه ويقولك اتفضل
قمة الرخامه: ان واحد يطلع يقول أنا عارف الكلام ده قبل كده
قمة التباته: نرجو من العضوين محمود ممدوح أو shadyooo1 الإجابه
قمة المفاجأة: إن يطلع أبوك مش أبوك وأمك مش أمك ومراتك مش مراتك وولادك مش ولادك والحكايه كلها تشابه أسماء ""أرجو من المشرف نقل هذه القمة إلى توبك حته خيال علمي"".
قمة النحس: ان واحد يلاقي مصباح علاء الدين ويحكه يطلع واحد يقول له البقاء لله العفريت مات
قمة قلة البخت: انه يلاقي العفريت اللي طلع من المصباح أهبل ويعمل معاه زي ما عمل مع الست الوحشه لما قالت له أن عايزه كل الرجاله تقع فيه فخلاها بلاعه.
قمة قمة النحس: انك تكون مفلس ومش لاقي تاكل وتلاقي المصباح اياه وخلاص هاتفرج أهوه وتحك المصباح وانت ياولداه واثق من نفسك تلاقي اللى بيرد عليك ويقول لك عفوا لقد نفذ الرصيد يرجى اعادة شحن المصباح
قمة قمة النحس: انك تكون مفلس ومش لاقي تاكل وتلاقي المصباح اياه وخلاص هاتفرج أهوه وتحك المصباح وانت ياولداه واثق من نفسك تلاقي اللى بيرد عليك ويقول لك العفريت فلس وقاعد بيشحت على باب السيده