دنبانا واخدانا..زجل

الدنيا
حلوة لنا وبتغرى كدا فينا
عايشين هناها وضناها
ولنفسنا نسينا
جرينا ويا السراب
والظلم حوالينا
حتى الأمانة بقت
من أغلى أمانينا
والكذب بقا ضلنا
والصدق ماهولينا
قلت مابينا الأصول
والمكر بقا فينا
.....
ياللى نسيت ربنا
العمر دا قًصير
ارجع لرب القلوب
وآمن بو واستغفر
وكان رسول الله
يناديله ويكبر
ويقوم ف نص الليل
يسجد له ويشمر
وكمان صحاب النبى
قالو يارب اغفر
......
يلا بنا يلا كدا..نرجع لمولانا
أصل الزمان ينتهى..وقلوبنا نعسانة
تلاقينا تحت التراب..وعملنا ويانا
ييجى الملك يسألك..قوم قللى ربك مين
ومين نبيك وقللى ايه هو كان الدين
ومنين جمعت الفلوس وجاتلك الملايين
وقوللى ايه شغلتك وقللى عمرك فين
وليه ظلمت الناس وكنت م الظالمين
قول يلا ردك إيه إن كنت م الفاهمين